奧 斯 卡 金 像 獎 最 佳 影 片 《 有 你 終 身 美 麗 》 （ A Beautiful Mind ） 改 編 自 傳 奇 數 學 家 約 翰 ． 納 殊 教 授 （ John Nash ） 生 平 ， 呢 位 94 年 憑 博 弈 論 （ Game Theory ） 獲 諾 貝 爾 經 濟 學 獎 嘅 殿 堂 級 學 者 ， 噚 日 到 理 大 同 中 學 生 對 話 ， 可 惜 好 多 潮 童 有 眼 不 識 泰 山 ， 魚 翅 當 粉 絲 ， 懵 盛 盛 以 為 係 補 習 天 王 會 考 貼 士 講 座 ， 真 係 失 禮 。
學 生 以 為 係 補 習 天 王
納 殊 教 授 今 次 係 應 理 大 邀 請 嚟 港 出 席 新 校 長 唐 偉 章 就 職 禮 ， 校 方 同 青 協 安 排 佢 噚 日 同 學 生 對 話 ， 出 席 嘅 多 數 係 中 學 生 。 納 殊 教 授 過 多 兩 個 月 就 81 歲 ， 睇 嚟 好 健 康 ， 佢 太 太 同 公 子 都 有 隨 行 。 教 授 噚 日 不 談 學 術 ， 主 要 講 數 學 同 人 生 哲 理 ， 佢 用 英 語 發 言 ， 加 上 潮 童 乳 臭 未 乾 ， 有 幾 多 人 聽 得 明 好 成 疑 問 ， 八 方 見 到 有 學 生 索 性 搵 周 公 對 話 。
理 大 後 來 出 新 聞 稿 ， 指 學 生 見 到 教 授 雀 躍 萬 分 ， 似 乎 有 啲 誇 大 ， 八 方 覺 得 教 授 對 牛 彈 琴 就 真 ！ 兆 基 創 意 書 院 有 四 個 女 生 慕 名 而 至 ， 可 惜 失 望 而 回 ， 因 為 完 全 聽 唔 明 教 授 講 乜 。 「 其 實 呢 次 係 講 乜 ？ 」 佢 哋 話 社 工 介 紹 嚟 聽 ， 「 以 為 係 補 習 社 講 座 ， 同 考 試 有 關 ， 可 以 攞 啲 考 試 貼 士 ！ 」 喺 呢 度 ， 八 方 要 一 讚 英 語 流 利 嘅 MC 林 小 姐 ， 教 授 每 答 完 一 條 問 題 ， 佢 都 好 落 力 繙 譯 大 意 ， 否 則 學 生 可 能 更 加 一 頭 霧 水 。 學 生 入 寶 山 空 手 回 ， 其 實 噚 日 講 座 都 有 幾 個 笑 位 ， 電 影 戲 情 指 納 殊 受 金 髮 美 女 啟 示 而 開 創 博 弈 論 ， 佢 噚 日 澄 清 冇 咁 嘅 事 ， 自 己 冇 此 艷 福 ； 有 學 生 問 佢 除 咗 數 學 同 經 濟 外 ， 仲 鍾 意 乜 ， 佢 話 瞓 覺 ， 唔 少 潮 童 好 有 共 鳴 ， 哄 堂 大 笑 。 納 殊 教 授 嘅 博 弈 論 被 用 喺 經 濟 學 上 大 放 異 彩 ， 但 對 於 如 何 重 振 環 球 經 濟 ， 佢 似 乎 未 有 好 建 議 ， 只 係 話 各 國 政 府 投 入 資 金 喺 不 同 方 面 會 有 不 同 效 果 ， 好 難 一 概 而 論 。 有 學 生 問 佢 ， 青 年 人 應 着 重 搵 錢 定 興 趣 ， 佢 話 自 己 後 生 時 都 面 對 此 抉 擇 ， 最 初 想 喺 工 程 方 面 發 展 ， 因 為 當 時 做 工 程 最 賺 錢 ， 後 來 覺 得 好 複 雜 ， 捨 難 取 易 轉 而 研 究 唔 賺 錢 嘅 化 學 ， 但 都 係 覺 得 唔 啱 自 己 ， 最 後 改 讀 數 學 ， 終 於 搵 到 發 展 方 向 。
******************************
D「潮童」真係失禮哂。
不過，若不是讀過經濟學，以香港人咁峽窄的世界常識觀(明明唔識野，但又以為自己識好多野)又有幾多人識「博奕論」呢？
當然我也是一個唔識野的人，不過我有自知之明，不會像某些人般，永遠以為自己的世界就是整個世界。
所以，我依然維持要多看、多學之心。
0 comments:
發佈留言