邊個夠我煩？

年初三早上九時午，睡得濛濛矓矓的我，被電話吵醒，因哥哥和嫂嫂不在家，這種時間又應該不會有朋友找我，我便心想，難道媽媽在她家有事？於是便飛奔去接電話，我「喂。」完，便聽到對方說:「有無擔心過禿頭問題.....」(大意如此)，想開口罵他為他開年，怎知對方只是個錄音電話播出的聲音，頓然令我陪感失落........

過兩日，這個曾令我一度失落的電話又打來了，這次我決定不再錯過機會，耐心地聽下去，終於他說完一段話後，便命令我，若對他們的品有與趣的話，可按某個數字，我當然立刻按喇，怎知按完又是錄音發聲，說:「稍後會有代表找我。」遲到好過無到，好，我等。

今日下午，終於有個鄉音未改的女士致電給我，說是XX公司的陳小姐，我便一輪咀說:

「陳小姐，你知唔知你們這種以錄音電話促銷方法，是對人構成很大騷擾呀，每一個聽到的人都會覺得好煩，你地知唔知？」
陳小姐:「啊，對唔住，咁我刪左你個電話，唔再打畀你囉。」
我:「唔係唔再打畀我，係你們不應該再用這種方法去騷擾任何人呀!」
陳小姐:「我們都係想幫一些禿頭的人吧。」
我:「你要幫禿頭的人，就唔該你走出街，睇下邊個有禿頭問題，然後過去幫他，而不是唔理人家有無頭髮，就整個錄音乜話佢嘈他。」
陳小姐:「好....」(想收線了)
我:「你唔好收線住，我未講完。
你係唔係人？你有無人的良知同良心？如果你還有小小良心，你唔好再做呢份工喇，呢份工會令好多人感到好不安，你這樣是作『業』呀。你聽我講埋先，你唔好再做這間無人性的公司喇，你唔駛驚無野做架，我係納稅人，你無野做咪去拎公援囉，我養你囉，你知唔知政府好快立法要控告你們這種公司喇，你唔好再造喇....」
講講下，我都唔記得講乜了，我估都是重覆以上說話吧。雖然浪費左DD電話，不過，我覺得我拯救了「陳小姐」，無所謂喇。我還想和陳小姐講，我不是經常這麼有興緻和人講這麼多話的，她真是很幸福呀。